П.Лхагвасүрэнгийн “Сэтгэлийн томьёолол” номын нээлт боллоо


Доктор, математикч, яруу найрагч Пүрэвийн Лхагвасүрэнгийн “Сэтгэлийн томьёолол” номын нээлт 2018 оны гуравдугаар сарын 6-ны өдөр ШУТИС-ийн Урлаг танхимд дуу хуур, шүлэг найрагтай боллоо.

Шинжлэх ухаан технологийн номын сан, Оюутны соёл үйлчилгээний алба, Багшийн хөгжил төв хамтран зохион байгуулсан тус номын нээлтэд найрагч П.Лхагвасүрэнгийн гэр бүл, найз нөхөд, номын багш Д.Төрбат, ажлын хамт олон болон ШУТИС-ийн Захирал Б.Очирбат, дэд захирлууд, бүрэлдэхүүн сургууль, институт, номын сангийн захирал, газар албадын дарга нар, гаднын зочид төлөөлөгчид ШУТИС-ийн 200 гаруй профессор багш, ажилтан ажилчид, оюутан уншигчид оролцлоо. П.Лхагвасүрэн найрагч “Сэтгэлийн томьёолол” нэртэй шүлгийн номоо олон улсын эмэгтэйчүүдийн эрхийг хамгаалах өдөрт зориулан хэвлүүлсэн байна.

П.Лхагвасүрэн нь эрдэм шинжилгээний бүтээл, сурах бичиг, сургалтын гарын авлага бичсэнээс гадна яруу найргийн “Зүс бүгэг андууд” 1991 он хамтын бүтээл, “Нутгийн жаахан Цээмаа”, “Хархираа гол”, “Алсад суугаа ээж”, “Жаргах учиртай хорвоо” зэрэг 70 гаруй дууны шүлгийг бичиж нийтийн хүртээл болгосон байна. Энэ үеэр ШУТИС-ийн ректорын нэрэмжит шагналаар шагнагдаж ШУТИС-ийн захирал Б.Очирбат гардуулан өглөө.

 

Хурлын танхимын гадна талбайд зохиогчийн бүтээлээр номын үзэсгэлэн гаргаж уншигчдад танилцуулав.

 

Шинжлэх Ухаан Технологийн номын сан




Bookmark and Share